Bucket list – hvað langar mig að gera áður en ég dey?

Tíminn sem okkur er skammtaður er takmarkaður, þótt maður geri sér ekki almennilega grein fyrir því. Við verðum ekki hérna að eilífu, og verðum að gera það mesta úr því sem við höfum. Samkvæmt Hagstofunni var meðalævilengd karla á Íslandi árið 2014 80,6 ár og kvenna 83,6 ár.

Ég er 32 ára. Ef við drögum 5 ár af meðal lífslíkum vegna offitu; þá má ég gera ráð fyrir að verða 78,5 ára. Þá eru bara 46,6 ár eftir (eða 17.006 dagar) – styttist í að ég verði hálfnuð. Hvað langar mig að gera áður en ég dey? (Ég geri mér alveg grein fyrir að ég gæti dáið á morgun eða ég gæti orðið 100 ára, en með því að miða við meðaltöl getur maður sett þetta í eitthvert samhengi)

Þannig ég fór að skoða annarra manna „Bucket list“ á Google og Pinterest, skrifaði niður hvað mig langar að gera og spurði nokkrar vinkonur. Og eftir töluverða yfirlegu telur listinn 112 atriði, sem ég skipti niður í fjóra flokka. Vonandi mun listinn svo lengjast seinna meir. Og það er vert að nefna að röð atriða skiptir engu máli um mikilvægi þeirra.

Ferðalög:

1. Sjá Macchu Picchu (Inkar)
2. Sjá Chichen Itza (Mayar)
3. Sjá Miklagljúfur (Grand Canyon)
4. Ganga um Las Vegas Strip
5. Sjá Hvíta húsið
6. Skoða Akrópólis
7. Sjá Sagrada Familia
8. Heimsækja Vetrarhöllina
9. Sjá pýramídana og Sphinxinn
10. Sjá hringleikahúsið í Róm
11. Heimsækja Vatíkanið

    

12. Ganga á Kínamúrnum
13. Fara til Vín
14. Fara til Marrakesh
15. Fara til Möltu
16. Fara til Mexíkó
17. Fara til Ítalíu
18. Fara til Króatíu
19. Fara til Slóveníu
20. Fara til Grikklands
21. Fara til Costa Rika
22. Fara til Tælands
23. Fara til Kína
24. Fara til St. Pétursborgar
25. Fara til Jerúsalem
26. Fara til Istanbúl
27. Fara til Sri Lanka
28. Fara til Petra í Jórdaníu
29. Fara í London Eye
30. Fara í ferðalag með mömmu og systur minni
31. Vera á hóteli með öllu inniföldu
32. Heimsækja Prince Edward Island (Anna í Grænuhlíð)
33. Fara til Atlanta á slóðir á Hverfanda hveli
34. Fara í ferð sem snýst um sjálfsrækt
35. Sjá hin nýju sjö undur veraldar (Kínamúrinn, Kristsstyttan í Rio, Macchu Picchu, Chichen Itza, Colosseum í Róm, Taj Mahal og Petra í Jórdaníu)
36. Heimsækja 50 lönd fyrir fimmtugt (Bara 12 búin – 17 ef ég má telja hvert ríki í Bandaríkjunum sem „land“)
37. Sigla á gondól í Feneyjum

    

38. Sjá hrísgrjónaakra
39. Fara á fljótandi markað
40. Baða mig í dauðahafinu
41. Heimsækja útrýmingarbúðir
42. Stelpufrí
43. Fara á slóðir Vestur-Íslendinga
44. Sjá Niagara fossana
45. Fara í siglingu á skemmtiferðaskipi
46. Fara í ferðalag sem einhver annar skipulagði
47. Eyða heilum degi (eða svo gott sem) á ströndinni
48. Komast út úr Escape Room í 10 löndum (Pólland tékk, Ísland tékk, Skotland tékk, Þýskaland tékk, Ítalía tékk, Bandaríkin tékk)
49. Þvælast um slóðir Johns Steinbeck

Sport:

1. Prófa pole-fitness

   

2. Fara á dansnámskeið
3. Klifra upp í topp á klifurvegg
4. Prófa kaðlaþrautabraut (Ropes Course)
5. Prófa Kayak
6. Fara í trampólíngarð
7. Fara í Go Cart (Hef gert það, en langar aftur)
8. Synda með höfrungum
9. Fara í íshellinn í Langjökli (Into the Glacier)
10. Prófa svifflug
11. Prófa að leika sér á inflatable island
12. Prófa tubing í á (semsagt ekki tilbúinni á)
13. Synda með sækúm á Flórída
14. Prófa að surfa, takmarkið bara að geta staðið á brettinu!
15. Fara á hundasleða
16. Stökkva af kletti (hef prófað, en langar aftur)
17. River Rafting (hef gert það, en langar aftur)
18. Prófa að Zorba
19. Zipline!

Upplifun:

1. Skjóta af byssu
2. Fljúga í þyrlu

   

3. Stökkva fullklædd í sundlaug
4. Murder Mistery
5. Vera í sjónvarpssal (erlendis)
6. Stökkva í foam pit
7. Prófa froðudiskó – já ég veit, full gömul í þetta!
8. Fljúga í loftbelg
9. Sjá sólarupprás og sólarlag
10. Fara í sumarfrí í alla landsfjórðunga með fjölskyldunni
11. Fara í alvöru lautarferð
12. Renna sér á dekkjaslöngu í snjónum
13. Vera dregin á dekkjaslöngu á Pollinum
14. Vera farþegi í listflugi
15. Fá mér kokteil á bar á efstu hæð háhýsis (Rooftop bar)
16. Fara til Grímseyjar og standa á heimskautsbaugnum
17. Mæta á ráðstefnu um ZeroWaste eða Green living
18. Prófa vélsleða (keyra sjálf!)
19. Sitja aftan á mótorhjóli
20. Fara í útreiðatúr, helst með eldri dótturinni
21. Fara á tónleika
22. Djamma alla nóttina

Persónulegt:

1. Drekka ekkert nema vatn í mánuð
2. Ferðast ein

   

3. Mæta á Júbileringu (já, var fjarverandi í bæði hin skiptin..)
4. Skrifa bók (bloggið er skref í áttina, maður skrifar ekki texta sem er tækur til útgáfu nema æfa sig að skrifa fyrst.)
5. Fara í myndatöku, bara ég. Ekki fjölskyldumyndataka.
6. Eignast demantshring
7. Hlaupa 5K (ekki að fara að gerast á morgun eða hinn…)
8. Aftengjast í viku
9. Prófa íbúðaskipti
10. Ná kjörþyngd
11. Láta einhvern annan velja bók fyrir sig að lesa
12. Fara í boudoir myndatöku
13. Borða engin sætindi í mánuð
14. Klára að lesa 1.000 bækur (592 komnar…)
15. Taka sjálfsmynd í hverri viku í ár
16. Búa til lista yfir 100 bækur sem ég verð að lesa, og ljúka við hann.
17. Klára kvartlaus áskorunina (armbandið komið…)
18. Klára hrúguna af ólesnum bókum sem ég á (telur hátt í 700 titla – passar fínt með nr. 14)
19. Þegja í heilan dag
20. Fá mér húðflúr (já ég veit, ekki líkt mér)
21. Koma á einhverskonar heimilisbókhaldi (já, I know – þetta er eitthvað sem ég sökka í!)
22. Skipuleggja jarðarförina mína
23. Kaupa enga bók í heilt ár (listinn verður að vera metnaðarfullur?)

Ég mun svo uppfæra listann hægt og rólega, eftir því sem hlutirnir gerast. En það er nú bara svo með bucket-lista að þeir klárast sjaldnast, en lengjast frekar. En með því að hafa lista yfir hluti sem þig langar til að upplifa ertu líklegri til að koma því í verk!

Vissulega er margt fleira sem gæti verið á listanum, og þá sérstaklega í ferðalagaflokknum, en hinir þóttu mér örlítið erfiðari.

Það er margt sem ég hefði haft á listanum ef ég hefði ekki nú þegar gert það; t.d. San Francisco og Golden Gate, New York, Pamukkale og Efesus, Tyrkneskt bað (Hammam), söngleikur á Broadway o.fl. o.fl. Sumt er líka á listanum þótt ég hafi gert það áður, t.d. rafting, köfun, stökkva af kletti, Go cart…

Ég óska hér með eftir áhugasömum aðilum til að aðstoða mig við að „tékka“ atriði af listanum og vinum eða félögum sem langar að upplifa eitthvað af þessu með mér! 😀